బీహార్లో అమ్మాయిలు ఎక్కువ. అబ్బాయిలు చాలా తక్కువ. అమ్మాయిల వయసు పెరిగిపోతోంది. ఇంట్లోనే ఉండిపోవాల్సి వస్తోంది. పెళ్లీడుకు వచ్చిన అమ్మాయిలు ఇంట్లో ఉంటే తల్లిదండ్రులకు ఏదో తెలియని ఇబ్బంది. సరైన వయసులో పెళ్లి చేసి..వారికి పుట్టబోయే బిడ్డలతో ఆనందంగా గడపాలనుకుంటారు. అయితే వారి ఆనందమే ఇప్పుడు బీహార్లో యువకులకు శాపంగా మారింది. అమ్మాయి తరఫు బంధవులు, రౌడీలను పురమాయించి బీహార్లో 18-35 ఏళ్ల లోపు యువకులను కిడ్నాప్ చేస్తున్నారు. బలవంతంగా తాళి కట్టిస్తున్నారు. ఎదురు తిరిగితే చావకొడుతున్నారు. ఇప్పటి వరకూ సుమారు 3వేల మంది యువకులు ఇలా ఇష్టం లేని పెళ్లి చేసుకుని అయిష్టంగా కాపురం చేస్తున్నారు. ప్రభుత్వం..పోలీసు వ్యవస్థ ఈ విష సంస్కృతిని అంతం చేయలేకపోతోంది. ఇటీవల ఓ సాఫ్ట్వేర్ ఉద్యోగికి గుర్తుతెలియని వ్యక్తి నుంచి కాల్ వచ్చింది. మా చెల్లికి నువ్వు నచ్చావు. పెళ్లికి ఏర్పాట్లు చేస్తున్నాం. నువ్వు సిద్ధంగా ఉండు..అంటూ...ఆ ఉద్యోగికి అర్థం కాలేదు. లైట్ తీసుకున్నాడు. ఎప్పటిలాగే ఆఫీసుకు బయలు దేరాడు. అంతే సినిమాలో మాదిరిగా ఓ వ్యాన్ సర్రున దూసుకొచ్చింది. మనోడ్ని అందులో ఎక్కించుకుని తమ గ్రామం తీసుకుపోయారు. ఇదిగో నా చెల్లి..మనువాడు అంటూ గౌరవంగా బతిమిలాడాడు. ఆ సాఫ్ట్వేర్ ఉద్యోగి నో అన్నందుకు గన్ తీసుకుని నుదిటిపై గురిపెట్టాడు. అంతే మరోమాట లేకుండా తాళ్లి కట్టేశాడు. ఇలా బీహార్లో నెలలో కనీసం మూడు నాలుగు పెళ్లిళ్లు జరుగుతున్నాయి. ఈ విషయాన్ని బీహార్ ప్రభుత్వం సీరియస్గా తీసుకుంది. యువకులను కాపాడాలని, కిడ్నాప్ చేసే వారిపై చర్యలు తీసుకోవాలని ఆదేశించింది. చూద్దాం..బీహారీ యువకులకు ఎంతలా రక్షణ కల్పిస్తారో.
Comments
Post a Comment