వైఎస్ జగన్ చిత్తూరుజిల్లాలో పాదయాత్ర చేస్తున్న సమయంలో ఏపీ ప్రభుత్వం జన్మభూమి, మా ఊరు కార్యక్రమాన్ని పులివెందులలో నిర్వహించింది. స్థానిక సమస్యలు తెలుసుకోవడం, పరిష్కరించడమే లక్ష్యంగా నిర్వహించిన జన్మభూమి కార్యక్రమంలో స్వయంగా సీఎం చంద్రబాబు పాల్గొనడంతో ప్రత్యేక ప్రాధాన్యత ఏర్పడింది. సీఎం సొంత జిల్లాలో.. ప్రతిపక్ష నేత అసెంబ్లీకి కూడా రాకుండా పర్యటిస్తుండడం, అదే సమయంలో వైఎస్ జగన్ సొంత నియోజక వర్గంలో సీఎం చంద్రబాబు కార్యక్రమం పెట్టుకోవడం చర్చనీయాంశమైంది. జన్మభూమి కార్యక్రమాన్ని పులివెందుల స్థానిక శాసన సభ్యుడైన వైఎస్ జగన్ లేని సమయంలో నిర్వహించడమేంటని వైసీపీ విమర్శిస్తుంటే, అంతా ప్రోటోకాల్ ప్రకారమే జరిగిందని అధికార పార్టీ సభ్యులు సమర్థించుకుంటున్నారు.
కుప్పంనుంచే విజయం సాధనకు శ్రీకారం చుడదాం
కుప్పంలో పాగా వేసి మన సత్తా చూపుదాం. టీడీపీకి దిమ్మదిరిగే షాక్ ఇద్దాం అంటూ వైఎస్సార్ కాంగ్రెస్ పార్టీ నేత వైఎస్ జగన్ పేర్కొన్నారు. ప్రజాసంకల్పయాత్ర కోసం కుప్పం నుంచి భారీగా తరలి వచ్చిన అభిమానులు, వైసీపీ శ్రేణులు, జగన్కు సంఘీభావం తెలిపాయి. వారిని ఉద్దేశించి వైఎస్ జగన్ మాట్లాడుతూ? బీసీలను సులువుగా మోసగించవచ్చని కుప్పం నియోజకవర్గాన్ని ముఖ్యమంత్రి చంద్రబాబు నాయుడు ఎంచుకున్నారని ఆయన విమర్శించారు. బీసీలకు ఏం చేశారని సీఎం చంద్రబాబు నాయుడుని నిలదీయాలంటూ కుప్పం ప్రజలకు పిలుపునిచ్చారు వైఎస్ జగన్ మోహన్ రెడ్డి? కుప్పంలో చంద్రబాబును ఓడిస్తేనే బీసీలకు మేలు జరుగుతుందన్నారు. వైఎస్ఆర్ కాంగ్రెస్ పార్టీ ప్రకటించిన నవరత్నాలతో పేదలు, బీసీలు బాగుపడతారన్న వైఎస్ జగన్? మన గెలుపు కుప్పం నియోజకవర్గం నుండే మొదలుకావాలన్నారు. కుప్పం నుంచి వైసీపీ అభ్యర్థి చంద్రమౌళిని గెలిపిస్తే? కేబినెట్లో కూర్చోబెట్టి చంద్రబాబు కంటే మెరుగ్గా కుప్పంను అభివృద్ధి చేస్తానన్న జగన్? బస్సు యాత్రలో కుప్పం వచ్చి ప్రతీ మండలంలో పర్యటిస్తానని తెలిపారు.
Comments
Post a Comment