పడిపడి లేచే మనసు ..

మహానుభావుడుతో శర్వా మంచి జోష్‌మీద ఉంటే..ఫిదా..ఎంసీఏ చిత్రాలతో సాయిపల్లవి తెలుగు ప్రేక్షకులను మాయ చేసింది. శర్వా మంచి నటుడు..సాయి పల్లవీ అంతే..మరి వీళ్లద్దరూ జత కడితే వెండితెర మురిసిపోదూ.. ఎస్‌ వీళ్లద్దరూ కలసి పడిపడి లేచే మనసు చిత్రంలో జత కట్టనున్నారు. వీళ్లద్దరూ కెమిస్ట్రీ అద్భుతంగా ఉందని ఇన్‌సైడ్‌ టాక్‌. ప్రస్తుతం హను రాఘవపూడి దర్శకత్వంలో శర్వా ఒక సినిమాను చేస్తోన్న సంగతి తెలిసిందే. ఆ సినిమా పూర్తిగా రొమాంటిక్‌ కామెడీ తరహాలో తెరకెక్కనుంది. ఎక్కువగా నేపాల్‌ పరిసర ప్రాంతాల్లో షూటింగ్‌ ని నిర్వహించనున్నారు. ఈ సినిమాలో శర్వా సరసన సాయి పల్లవి నటిస్తోన్న సంగతి తెలిసిందే. ఇద్దరి మధ్య కెమిస్ట్రీ హైలెట్‌ అవుతుందని తెలుస్తోంది. ఇక లేటెస్ట్‌ అప్డేట్‌ ఏంటంటే.. ఈ సినిమా టైటిల్‌ ఇదేనంటూ ఒక టాక్‌ గట్టిగా వినిపిస్తోంది. పడి పడి లేచే మనసు అనే టైటిల్‌ ని ఫిక్స్‌ చేయాలని దర్శకనిర్మాతలు చర్చించుకునుటున్నారట. ఇంకా ఫైనల్‌గా ఫిక్స్‌ చేయలేదు గాని డైలాగ్స్‌లో సందర్భానుసారం ఆ పేరును మైండ్‌ లో ఉంచుకున్నారట. సినిమా కొంత వరకు పూర్తయ్యాక అప్పుడు ఏ టైటిల్‌ ఫిక్స్‌ చేయాలి అనే విషయంలో ఒక క్లారిటీకి వస్తారట. ఇక సినిమాను ప్రసాద్‌ చుక్కపల్లి మరియు సుధాకర్‌ చెరుకూరి సంయుక్తంగా నిర్మిస్తుండగా కోలీవుడ్‌ స్టార్‌ మ్యూజిక్‌ డైరెక్టర్‌ విశాల్‌ చంద్రశేఖర్‌ సంగీతం అందించనున్నాడు. ఇంతకుముందు హను డైరెక్ట్‌ చేసిన కృష్ణగాడి వీర ప్రేమగాధ సినిమాకు విశాలే సంగీతం అందించాడు. ఆ సాంగ్స్‌ మంచి హిట్‌ అయ్యాయి. మరి ఇప్పుడు ఎంతవారకు హిట్‌ అవుతాయో చూడాలి.